ဆရာမောင်ချောနွယ်အမှတ်တရ

ဆရာမောင်ချောနွယ်အမှတ်တရ ( နံရံကပ်စာစောင် ) Sep 4, '10 1:27 PM for everyone


ကမ္ဘာကြီးရဲ့ထမင်းသိုးတွေကို စာနာတတ်တဲ့
ကမ္ဘာကြီးရဲ့  တစ်ဦးတည်းသောသား
မောင်ချောနွယ်
ကမ္ဘာမှာ အပယ်ခံတွေကို
ရင်ခွင်အတွေးသစ်မှာ
ရဲရဲဝံ့ဝံ့ ထွေးပွေ့ခဲ့တဲ့
သူဟာ
ဘယ်သူလဲလို့
တုတ်ထမ်းဓားထမ်း
ပြောကြစတမ်းဆိုရင်
အဲဒီလူဟာ
မောင်ချောနွယ်ပဲ....။
သူက ........
ဥစ္စာဓနအတွက် အမြင့်ကို မော်မကြည့်ဘူး
တစ်ဘဝမှာ ဘယ်လောက်ခါးသီးမလဲဆိုတာ
ရေဆုံးရေဖျား ခြေရာခံလိုက်
ဦးတည်ရာက လှည်းဘီးနောက်
လှည်းဘီးရာလိုက်သလို မသွေမဖည်
ရွှေသွားသံယောဇဉ်နဲ့ဘဝကိုတည်ဆောက်
မောင်ချောနွယ်ဆိုတာ
အဲသလို
အပယ်ခံတွေကို ရင်နဲ့ရစ်ပတ်ပုံဖော်တဲ့
ကမ္ဘာ့လူသားထုအိမ်ရှာကို ရှာဖွေခဲ့တဲ့သူဖြစ်တယ်.....။
မောင်ချောနွယ်ရဲ့ ကဗျာတွေဟာ
အရိန္ဒာမာလှံလို
ဘယ်အပင် ၊ ဘယ်အသီး ၊ ဘယ်အရွက်ကိုပဲထိထိ
ထိလိုက်ရင် ချိုမြိန်သွားစေတယ်
အနုပညာအတွက် သူခင်းခဲ့တဲ့လမ်းက
သန့်ရှင်းခဲ့တယ်
သူ့သူငယ်ချင်းကိုဖော်ဝေးကို ပြောခဲ့တာက
အဲဒီ့အတွက် ကျွန်တော်တော့
တစ်လက်မမှ ဆုတ်မပေးနိုင်တော့ဘူးဗျာတဲ့......။
သူကတော့ ရေချိုငါး
" လူကြိုက်နည်းတဲ့ကောင် " တဲ့
တုံးလုံးစာ ဝေလာဝေးလို့
မတ်တပ်စာတောင် မဖူလုံတဲ့ ခန္ဓာကိုယ်နဲ့ကောင်ပါတဲ့
အဲဒီ့လိုအတိဒုက္ခရှိပေမဲ့
နာကျင်တဲ့အခါ မအော်ဘဲ
ပျော်ရွှင်တဲ့အခါ ရယ်မောဖို့ နောက်မကျခဲ့သူ
မျှော်လင့်ခြင်းထမင်းသိုးတွေနဲ့
အပယ်ခံတွေရဲ့ဘဝကို
"  အဲလဗတ်ကမူး " နဲ့ " ခြူး " ဆေးလိပ်ကိုဖွာရင်း
ဆိုးရွားတဲ့ ရာသီဥတုကိုလည်း
ကဗျာနဲ့ပြုပြင်ပေးခဲ့သူ
မင်းတို့ပြောပြောနေတဲ့
လောကဓံဆိုတဲ့ ကောင်ကြီးနဲ့
စီးချင်းထိုးဖို့ ငါ့ကိုမွေးဖွားလာတာလို့ ဟစ်ကြွေးပြီး
ရထားကို ကိုယ်တိုင်မောင်းနှင်တဲ့သူ
အခွန်တော်မဲ့ ရာသီဥတုမှာ
အငြိမ့်မင်းသမီးလေး " နှင်း "
ဘဝရဲ့အဆင်းဟာ ထမင်းမဟုတ်ချေဘူးနဲ့
ဥစ္စာဓနတွေနဲ့ ဘဝကိုမပုပ်သိုးစေအောင်
ရင်ကိုခွဲ နှလုံးသားသန့်စင်မှုကို
ဆွဲထုတ်ပြတဲ့သူ
ကြမ်းပိုးများတဲ့အိပ်ရာထဲကလို
အမှန်မတော့
ကမ္ဘာကြီး သာယာပျော်ရွှင်ဘွယ်ကောင်းအောင်
လူဆန်ပြီး
သိပ်ယဉ်ကျေးတဲ့
စိတ်ကူးကောင်းကူးကောင်းသူတွေက
တည်ဆောက်ထားတာဖြစ်တယ် ။
မောင်ချောနွယ်ဟာ
အဲသည့်အစားထဲကဖြစ်ပါတယ်
ထမင်းသိုးတွေကို စာနာတတ်တဲ့ ကမ္ဘာကြီးရဲ့ တစ်ဦးတည်းသောသား
မောင်ချောနွယ် ဖြစ်ပါတယ်......။
                                                                 နိုင်ရဲသွေး..။
                                                            
ဆရာမောင်ချောနွယ် အမှတ်တရ နံရံကပ်စာစောင်အတွက်
ကဗျာရေးပေးပါလို့ အကို ကိုကြည်နိုင်က မနေ့ညကပြောလာတော့
ဘာမှအဆင်သင့်မရှိခဲ့ဘူးဗျာ..။ ရေးရင်းနဲ့ပဲ ရင်ထဲမှာနင့်လာလို့ မနက်မှလာယူပါလို့
ပြန်ပြောလိုက်ပြီး ဒီကဗျာလေးကိုရေးဖြစ်ခဲ့ပါတယ်..။ ဆရာချောရဲ့ စာသားတွေနဲ့
အများဆုံးတည်ဆောက်ရေးသားခဲ့တဲ့ ကဗျာလေးပါ..။ ကျွန်တော်တို့က ဆရာနဲ့ရင်ဘတ်
ချင်းနီးနီးကပ်ကပ်နေခဲ့ပါတယ်..။ ဒါကိုဆရာချောမသိရှိသွားပေမဲ့ ဆရာခံယူသွားသလိုပဲ
ကမ္ဘာကြီးကို ကဗျာအတွက် မညစ်နွမ်းစေရဘူးပေါ့ ... အဲသလိုခံယူခဲ့တယ် ...ကဗျာမှာ
ရိုးသားခဲ့သလို လူ့ဘဝမှာလည်း ကဗျာအပေါ်သစ္စာရှိခဲ့သလို ရိုးသားစွာ သစ္စာရှိခဲ့ပါတယ်
ကျွန်တော်လိုပဲ ဆရာမောင်ချောနွယ်ကို ရင်ဘတ်ချင်းပေါင်းခဲ့တဲ့ ဝမ်းတွင်းမြို့ က
သူငယ်ချင်းအချို့ရဲ့ ဆရာ့အတွက်အမှတ်တရရေးထားတဲ့ကဗျာတွေကိုလည်း
တင်ပြပေးပါဦးပါမယ်ခင်ဗျာ..။
                                                                          လေးစားစွာဖြင့်
                                                                    နိုင်ရဲသွေး
                                                                                    5 . sep . 2010 .   

·