မထင်မှတ်တဲ့ အောင်မြင်မှု

တွမ်ဟာ စပိန်နိုင်ငံက သာမန် ကိတ်မုန့်လုပ်သားတစ်ဦးဖြစ်တယ်။
အပြောင်းအရွေ့များတဲ့ ခေတ်မှာ တစ်ချို့လူတွေလို အမေရိကန်ကို
သူပြောင်းရွေ့လာခဲ့တယ်။

ဒါပေမယ့် အမေရိကန်က သူ့စိတ်ကူးထဲကလို ရွှေတွေပြန့်ကျဲနေတဲ့
နေရာမဟုတ်ခဲ့ဘူး။ စပိန်မှာ ကိတ်မုန့်ရောင်းတာနဲ့ အမေရိကန်မှာ
ကိတ်မုန့်ရောင်းတာ ဘာမှမထူးခြားခဲ့ဘူး။

၁၉ဝ၄ ခုနှစ်မှာ အမေရိကန်က World's Fairပွဲတော်ကို ကျင်းပခဲ့တယ်။ တွမ်က
ကိတ်မုန့်ဖုတ်ကိရိယာတွေ ယူပြီး ပွဲတော်ကျင်းပတဲ့နေရာမှာ
ဆိုင်ဆောက်လိုက်တယ်။ ပွဲခင်းထဲမှာဆိုပေမယ့် တွမ်ရဲ့ကိတ်မုန့်တွေက
ရောင်းမကောင်းခဲ့ဘူး။ ဒါပေမယ့် သူ့ဘေးက ရေခဲမုန့်သည်က
အရမ်းရောင်းကောင်းနေခဲ့တယ်။ ရေခဲမုန့်ထည့်တဲ့ ပန်းကန်တွေက
တခဏချင်းကုန်သွားခဲ့တယ်။ စိတ်သဘောထားကောင်းတဲ့ တွမ်က သူ့ရဲ့မုန့်တွေနဲ့
ကတော့ပုံလုပ်ပြီး ရေခဲမုန့် ထည့်စေခဲ့တယ်။ ဒီလိုရေခဲမုန့်က
ပိုရောင်းကောင်းခဲ့လို့ ရေခဲမုန့်ရောင်းသူက တွမ်ဆီက
မုန့်တွေအားလုံးယူခဲ့တယ်။ နောက်ဆုံး အဲဒီရေခဲမုန့်က ပွဲတော်မှာ
အရောင်းရဆုံးမုန့်အဖြစ် စံချိန်တင်ခဲ့တယ်။

အဲဒီနောက်ပိုင်း ခေါက်မုန့်ပုံကတော့နဲ့ ထည့်တဲ့ ရေခဲမုန့်တွေ
ခေတ်စားလာခဲ့တာ ဒီနေ့ထိတိုင်ပါပဲ။ တကယ်လို့ တွမ်သာ သဘောမကောင်းခဲ့ရင်၊
ရေခဲမုန့်သည်ဘေးမှာ မရောင်းခဲ့ရင် cone Ice cream ကို
ကျွန်မတို့စားမိကြမယ် မထင်ဘူး။

ရေခဲမုန့်အဖြစ်လိုပဲ အာလူးချောင်းကြော်လည်း ဒီလိုဖြစ်လာခဲ့ပါတယ်။
အမေရိကန် Indians လူမျိုး ဂျွန်ဟာ စားသောက်ဆိုင်တစ်ဆိုင်က
စားဖိုးမှူးတစ်ဦးဖြစ်တယ်။ တစ်နေ့မှာ စားသောက်ဆိုင်ထဲ ပြင်သစ်လူမျိုးတွေ
လာရောက်စားသောက်ခဲ့တယ်။ ပြင်သစ်တွေက ဂျွန်လုပ်တဲ့ ဆီကြော်စာတွေဟာ
အတုံးကြီးပြီး စားမကောင်းဘူး၊ မာတယ်လို့ ဝေဖန်ခဲ့လို့ ဂျွန်ကစိတ်တိုပြီး
နောက်လုပ်မယ့်အာလူးကို ပါးပါးလှီး၊ တောက်တောက်စင်းပြီး ဆီအိုးထဲ
ပစ်ထည့်လိုက်တယ်။ ပြီးတော့ အဲဒီအာလူးကြော်တွေကို ပြင်သစ်တွေစားဖို့
ချလိုက်တယ်။ မထင်မှတ်ပါဘူး.. အဲဒီလို ကြော်ထားတဲ့ အာလူးကြော်ကို
့ပြင်သစ်တွေ ကြိုက်ခဲ့ကြတယ်။ နောက်တော့ အဲဒီလို အာလူးကြော်တွေ
ခေတ်စားလာပြီး အခုချိန်မှာ မက်ဒေါနယ်၊ KFC စတဲ့ fast food တွေမှာ
တွေ့နိုင်ပြီဖြစ်တယ်။

တစ်ခါတလေမှာ ဘဝထဲက မထင်မှတ်တာတွေ၊ မတော်တဆတွေက အောင်မြင်ဖို့အတွက်
လမ်းစတွေဖြစ်ခဲ့တယ်။ အခွင့်အရေးက ကိုယ့်အတွက် စက္ကန့်တိုင်း၊
မိနစ်တိုင်းမှာ ရှိမနေတတ်ဘူး။ အခွင့်အရေးတွေက မထင်မှတ်တဲ့အချိန်မှာလည်း
ဖြစ်လာတတ်တာပါပဲ။ ဒါကြောင့် မျှော်လင့်မထား၊ ထင်မှတ်မထားတဲ့
အခက်အခဲနဲ့ကြုံတဲ့အခါ စိတ်ပျက်ဝမ်းမနည်းပါနဲ့။ ဒါကလည်း ကိုယ့်အတွက်
အောင်မြင်ဖို့ လမ်းစဖြစ်နိုင်တာပဲလေ။

မူရင်း... Yun Zhongtian (雲中天) ပြုစုသော ပုံပြင် ၃ဝဝ စာအုပ်ထဲမှ
Tags: အက်ဆေး
0 comments edit delete



ရာသီခွင် ဟာသ Jul 23, '10 4:42 PM for everyone
 (၁) Aries (မိဿရာသီဖွား -- မတ်လ ၂၁ မှ ဧပြီ ၁၉ အတွင်းမွေးဖွားသူ)

မေမေ "Aries သမီးလေး.. စကပ်ဝတ်ထားတဲ့အချိန် ဒါန်းမစီးရဘူးနော်။ ကောင်လေးတွေ
သမီးရဲ့အတွင်းခံကို တွေ့သွားနိုင်တယ်"

Aries "ဟုတ်ကဲ့ပါ မေမေ"

ဒါပေမယ့် တစ်နေ့မှာ Ariesက မေမေဆီပြေးလာပြီး "မေမေ... မေမေ ဒီနေ့
အောင်အောင်နဲ့ဒါန်းစီးပြိုင
်တာ သမီးနိုင်တယ်"

မေမေက စိတ်တိုပြီး "စကပ်ဝတ်ထားရင် ဒါန်းမစီးရဘူးလို့ မေမေမှာထားတယ်မဟုတ်လား?"

Aries "သမီး ဒီလောက်မအပါဘူး မေမေရဲ့၊ အတွင်းခံကို သူမမြင်အောင် ချွတ်ထားပြီးမှ
ဒါန်းစီးတာပါ"

(Ariesဖွားက ရဲရင့်၊ ပွင့်လင်းပြီး လုပ်ရဲရင် ခံရဲသူဖြစ်တယ်)


(၂) Taurus (ပြိဿရာသီဖွား--ဧပြီ ၂ဝ မှ မေ ၂ဝ အတွင်းမွေးဖွားသူ)

ဖရဲသီးရောင်းသူ "လာနော်.. လာနော်.. ဖရဲသီးချိုတယ်၊ မချိုရင် ပိုက်ဆံမယူဘူး"

ရေဆာနေတဲ့ Taurus " အတော်ပဲ... ကျွန်တော့်ကို မချိုတာပေးပါ"

(Taurusဖွားက အိမ်၊ မိသားစုကို ထိန်းသိမ်းနိုင်သူ ဘေးချော်ချင်သည့်တိုင်
ကိုယ့်ကိုကာကွယ်တတ်သူဖြစ်တယ်)


(၃) Gemini (မေထုန်ရာသီဖွား-- မေ ၂၁ မှ ဇွန် ၂ဝ အတွင်းမွေးဖွားသူ)

မေမေ "Gemini ရေ ထတော့ ကြက်ဖတောင်တွန်နေပြီ"

Gemini "အာ..... မေမေကလဲ! ကြက်ဖတွန်ရင် တွန်ပစေပေါ့။ သမီးက ကြက်မမှမဟုတ်တာ"

(Gemini ဖွားက ကိုယ့်ကို သိတတ်လိုစိတ်၊ ကိုယ်ပိုင်တွေးတောစိတ်
ပြင်းထန်သူဖြစ်တယ်)


(၄) Cancer (ကရကဋ်ရာသီဖွား-- ဇွန် ၂၁ မှ ဇူလိုင် ၂၂ အတွင်းမွေးဖွားသူ)

Cancer "ဒီည သားမေမေနဲ့အိပ်မယ်"

မေမေ "သား မိန်းမယူပြီးလည်း မေမေနဲ့အိပ်မှာလား?"

Cancer "အင်း"

မေမေ "ဒါဆို သားမိန်းမဘယ်လိုလုပ်မလဲ?"

Cancer "ဖေဖေနဲ့ ပေးအိပ်လိုက်မယ်"

(Cancerဖွားက မိခင်ကိုစွဲလမ်းသူ၊ မှီခိုသူဖြစ်တယ်)


(၅) Leo (သိဟ်ရာသီဖွား-- ဇူလိုင် ၂၃ မှ သြဂုတ်၂၂ အတွင်းမွေးဖွားသူ)

Leo "ဒီတင်ပါးပုံပေါက်စီကို လူတွေဘာလို့ စားကြတာလဲ?"

ဆိုင်ထဲက ပေါက်စီစားသူတွေ နေရထိုင်ရခက်ကုန်တယ်။ Leoက ပဲပေါက်စီတစ်လုံး
ယူလိုက်တယ်။

Leo "မေမေ.. မေမေ တင်ပါးထဲမှာ အီးတွေနဲ့...."

ပေါက်စီစားသူတွေ အန်လုလုဖြစ်ကုန်ကြတယ်။

(Leoဖွားက ကိုယ်ပိုင်ခံစားချက်နဲ့ ဘေးလူရဲ့အကြည့်၊ အပြောကို
သိပ်ဂရုမစိုက်တတ်သူဖြစ်တယ်)


(၆) virgo (ကန်ရာသီဖွား-- သြဂုတ် ၂၃ မှ စက်တင်ဘာ ၂၂ အတွင်းမွေးဖွားသူ)

virgoက ကိုယ့်ချက်ကိုကြည့်ပြီး "ဒါဘာလဲ"လို့ ဖေဖေကို တအံ့တသြမေးတယ်။

ဖေဖေက "ချက်ကြိုးက ကလေးငယ်ကို မိခင်နဲ့ဆက်ထားပေးတယ်။ မိခင်ဝမ်းတွင်းက ခွါတာနဲ့
ဆရာဝန်က ချက်ကြိုးကိုဖြတ်ပြီး အထုံးထုံးပေးလိုက်တယ်။ အဲလိုနဲ့
ချက်ဖြစ်လာခဲ့တယ်" လို့ အတိုချုံးရှင်းပြလိုက်တယ်။

virgo "ဆရာဝန်က ဘာဖြစ်လို့ လိပ်ပြာပုံဖဲကြိုးလေး မထုံးပေးတာလဲ မသိဘူးနော်"

(virgoဖွားက စူးစမ်းလိုစိတ်များပြီး ပြီးပြည့်စုံမှုကို လိုလားသူဖြစ်တယ်)


(၇) Libra (တူရာသီဖွား-- စက်တင်ဘာ ၂၃ မှ အောက်တိုဘာ ၂၂ အတွင်းမွေးဖွားသူ)

ဖေဖေ "Libra သား.. ဒီနေ့ကျောင်းမသွားနဲ့တော့၊ မနေ့ညက သားအတွက် သားမေမေက
အမွှာလေးမွေးပေးလိုက်တယ်။ ဆရာမဆီ ခွင့်တစ်ရက်တိုင်လိုက်နော်"

Libra "ဟုတ်ကဲ့ဖေဖေ... ဒါပေမယ့် တစ်ယောက်ပဲမွေးတယ်လို့ သားပြောမယ်။
ကျန်တစ်ယောက်ကို သားကျောင်းမသွားချင်တဲ့နေ့မှ ထပ်ပြောမယ်"

(Libraဖွားက ထက်မြက်ပြီး ချင့်ချိန်မှန်းဆတတ်သူဖြစ်တယ်)


(၈) Scorpio (ဗြိစ္ဆာရာသီဖွား-- အောက်တိုဘာ ၂၃ မှ နိုဝင်ဘာ ၂၁ အတွင်းမွေးဖွားသူ)

Scorpioအိပ်ပျော်ခါနီးမှ ခြင်တစ်ကောင်က သူ့ကိုကိုက်လိုက်တယ်။ ဒါနဲ့
Scorpioထလာပြီး ခြင်ကို မောင်းထုတ်တယ်။ ဘယ်လိုမောင်းထုတ်ထုတ် အခန်းထဲကနေ
ခြင်ထွက်မသွားဘူး။

"ကောင်းပြီ.... မင်းမထွက်ရင် ငါထွက်တယ်ကွာ!"

ပြောပြောဆိုဆို အိပ်ခန်းထဲကနေ Scorpioထွက်သွားပြီး တံခါးကိုသော့ခတ်လိုက်တယ်။
ပြီးမှ အားရကျေနပ်ဟန်နဲ့---

"ဟင်း.. ဒီည ငါအခန်းထဲ ဝင်မအိပ်တော့ဘူး။ အခန်းထဲမှာ မင်းကို အငတ်ထားပြီး
သတ်ပစ်မယ်"

( Scorpio ဖွားက မရေရာသူ၊ လက်တွေ့ထိုးထွင်းဥာဏ် နည်းသူဖြစ်တယ်)


(၉) Sagittarius (ဓနုရာသီဖွား-- နိုဝင်ဘာ ၂၂ မှ ဒီဇင်ဘာ ၂၁ အတွင်းမွေးဖွားသူ)

Sagittarius "ဖေဖေ... ဖေဖေ့ဆံပင်ဖြူတွေ ဘာဖြစ်လို့ ဒီလောက်များရတာလဲ?"

ဖေဖေ "သား မလိမ္မာလို့ပေါ့။ သားမလိမ္မာလို့ ဖေဖေဆံပင်ဖြူများရတာပေါ့"

Sagittarius တအောင့်လောက် စဉ်းစားပြီး.....

"ဘိုးဘိုးဆံပင်တွေ တစ်ခေါင်းလုံးဖြူရတာက ဘာကြောင့်လဲဖေဖေ?"

ဖေဖေ "............"

(Sagittarius ဖွားက တွေးတောတာကို နှစ်သက်သူဖြစ်တယ်)


(၁ဝ) Capricorn (မကာရရာသီဖွား-- ဒီဇင်ဘာ ၂၂ မှ ဇန်နဝါရီ ၁၉ အတွင်းမွေးဖွားသူ)

တစ်နေ့မှာ Capricornနဲ့မေမေ လမ်းထွက်လျှောက်တယ်။ လမ်းခုလပ်ရောက်တော့
ရုတ်တရက်မိုးရွာချတယ်။ မေမေက Capricorn လက်ကိုဆွဲပြီး "မိုးရွာပြီ...
ပြေးပြေး.. ရှေ့ကိုပြေး!" လို့ပြောတော့ Capricornက တုံ့နှေးနှေးနဲ့ "ရှေ့မှာ
မိုးမရွာလို့လား?" တဲ့။

(Capricorn ဖွားက အမှန်ကိုသိပေမယ့် လိုက်ပြုပြင်ပြောင်းလဲဖို့
ပျင်းရိသူဖြစ်တယ်)


(၁၁) Aquarius (ကုံရာသီဖွား-- ဇန်နဝါရီ ၂ဝ မှ ဖေဖော်ဝါရီ ၁၈ အတွင်းမွေးဖွားသူ)

Aquarius "ကြက်ဥက ဘယ်ကထွက်လာတာလဲ မေမေ?"

မေမေ "ကြက်မက ထွက်လာတာပေါ့"

Aquarius "'ကြက်မက ဘယ်ကထွက်လာတာလဲ မေမေ?"

မေမေ "ကြက်ဥက ပေါက်လာတာပေါ့"

Aquarius "ကြက်မနဲ့ကြက်ဥ ဘယ်ဟာက အရင်ရှိတာလဲ မေမေ?"

(Aquarius ဖွားရဲ့ အတွေးတွေက သာမန်လူတွေရဲ့အတွေးတွေနဲ့ အမြဲကွဲပြားတတ်တယ်)


(၁၂) Pisces (မိန်ရာသီဖွား-- ဖေဖေါ်ဝါရီ ၁၉ မှ မတ်လ ၂ဝ အတွင်းမွေးဖွားသူ)

ဖေဖေက သူ့ငယ်စဉ်အကြောင်းတွေ Pisces ကို ပြောပြနေခဲ့တယ်။

ဖေဖေ "ဖေဖေတို့ ငယ်ငယ်တုန်းကဆို အစာရေစာမဝလို့ အမြဲငတ်ပြတ်ခဲ့ရတယ်"

Pisces "သနားလိုက်တာနော်။ ဖေဖေက စားစရာမရှိလို့ သားတို့အိမ်ကို
ရောက်လာခဲ့တာပေါ့နော်"

(Piscesဖွားက ကိုယ်ချင်းစာ၊ အကြင်နာစိတ်ရှိပေမယ့် အခြေအနေကို
မခွဲခြားတတ်သူဖြစ်တယ်)

***၁၂ရာသီဖွားတွေမှာ အားနည်းချက်၊ အားသာချက်တွေ ဒီထက်မကရှိကြပါတယ်။
အင်တာနက်မှာရှာဖွေ ဖတ်ရှုနိုင်ပါတယ်။ ဒီမှာရေးထားတာက တချို့တလေပဲဖြစ်ပါတယ်။
(၁၂)ရာသီခွင်ဟာသလို့ ဆိုထားပေမယ့် တချို့က သိပ်မရယ်ရပါဘူး။ ဘာပဲဖြစ်ဖြစ်
ဘာသာပြန် မျှဝေလိုက်ပါတယ်။

နိုင်းနိုင်းစနေ (ဓနုရာသီဖွား)