ဘန်းစကား ( ၃ )

မီးစက်သည်မကောင်းကျိုးကူးစက်သည်

မီးသည် ကူးစက်လောင်ကျွမ်းသကဲ့သို့ တစ်ဦးမှတစ်ဦးသို့ ကူးစက် ဆက်စပ်၍ အပြစ်တင်ခြင်း
အပြစ်လွှဲခြင်း စသည် မကောင်းကျိုး ဆက်နွယ်ခြင်းကို တင်စား၍ သုံးသည် ။
မီးခွက်မှုတ်သည်အဓမ္မကျင့်သည်
ယောက်ျားတစ်ဦးတစ်ယောက်က မိန်းမတစ်ယောက်အား အလိုမတူဘဲ သားမယား
ပြုသည်၍ မီးရောင်ကို မှုတ်ကွယ်ပြုကျင့်သည်ကို အကြောင်းပြု၍ သွယ်ဝိုက်သောအားဖြင့်
တင်စားကာ အဓမ္မပြုကျင့်သည်ကို မီးခွက်မှုတ်သည်ဟု ဆိုလေသည် ။
မင်းစပါးလှန်းသည်ပစ်စလက်ခတ်ထားသည် ၊ ဂရုတစိုက် မသိမ်းဆည်းဘဲ ကြဲဖြန့်ထားသည်
ရှေးအခါက ဘုရင်မင်းတို့ပိုင် ကျီတို့မှ စပါးများကို ထုတ်၍ နေလှန်းသည့်အခါတွင်
စပါးတင်းရေ များပြားလှသဖြင့်တစ်ကြောင်း ၊ ဘုရင့်ပစ္စည်းဖြစ်၍ ကွယ်ရာမျက်ပြင်မင်းမှုထမ်းတို့ ဝီရိယ ပေါ့လျော့ခြင်းကြောင့် တစ်ကြောင်း ၊ ပြည်သူတို့
ဆင်းရဲငတ်မွတ်သည့်အခါ မင်းကိုသာ မှီခိုရသည်တစ်ကြောင်းတို့ကြောင့် အကဲအယူကို
မတားဆီးနိုင်ဘဲ အဖိတ်အလေ အလျော့အပျက် များတတ်လေသည် ။ ထိုသဘောကိုစွဲ၍
ပစ္စည်းဥစ္စာကို အစောင့်အရှောက် အတားအဆီးမရှိဘဲ လက်လွတ်စလွယ် စွန့်လွှတ်ထား
တတ်ပုံကို ခိုင်းနှိုင်းအပြစ်ဆိုရာတွင် သုံးနှုံန်းသည် ။
မင်းတိုင်းကျေလုပ်သည်တာဝန်ကျေရုံလုပ်သည်
မင်းအစိုးရတို့အား ပေးဆောင်ရန် တာဝန်ကျသည့် အခွန်တော်မင်းတိုင်းမှာ မပေးဆောင်
ဘဲနေ၍ မဖြစ်နိုင်ပေရာ ထိုမင်းတိုင်းပေးဆောင်၍ ကျေလည်ရုံသာ အလုပ်လုပ်၍ ထိုသို့
" မအပ်မဖြစ်သော တာဝန်ဟူသမျှမှ ရှောင်ကွင်းနေခြင်းကို စွဲ၍ လုပ်သည်ဆိုရုံမျှသာ
လုပ်ကိုင်ခြင်းနှင့် စေတနာ ၊ အားထုတ်မှု စသည် မပါရှိသော အမည်ခံ လုပ်ကိုင်ခြင်း ၊
ဆောင်ရွက်ခြင်းဟူသမျှကို မင်းတိုင်းကျေလုပ်သည်ဟု တင်စား၍ သုံးသည် ။
မင်းကြီးတာကထွက်သည်ကိုယ်ကိုယ်တိုင်က တာဝန်ပျက်သည်
ရှေးက သမင်ဖမ်းသော မင်းတစ်ပါးသည် မှုးမတ်တို့အား တောခြောက်စေ၍ သမင်ကိုဖမ်းရာ သမင်သည် မိမိဖမ်းဆီးထားသော တာငန်းအကွက်မှ လွတ်ထွက်သွား
သည်ဟု မသိဟန်ပြု၍ အမတ်တို့အားမေးသဖြင့် အမတ်တို့က မင်းကြီးတာမှပင်
ထွက်ပြေးကြောင်း သံတော်ဦးတင်သည်ကိုစွဲ၍ တစ်စုံတစ်ရာတွင် ကြီးမှုးကွပ်ကဲသူတို့က
ပင် စည်းကမ်းဖောက်ဖျက် ပေါ့လျော့ခြင်းရှိသည့်အခါ တင်စား၍ သုံးနှုန်းကြသည် ။
မြှော့သွေးစမ်းသည်မရဲတရဲ စမ်းသပ်လုပ်ကိုင်သည် ၊ အကဲထောက်ဆသည်
မြှော့သတ္တဝါတို့သည် လူကို တွယ်မိသောအခါ သွေးစုပ်၍ ရနိုင်မည့်နေရာကို တဖြည်းဖြည်းစမ်းပြီး အတွယ်ခံရသူမသိအောင် တရွေ့ရွေ့ ရွေ့လျောတတ်ကြသည် ။
ဤကဲ့သို့ မရဲတရဲ စမ်းသပ်ခြင်းကို မြှော့သွေးစမ်းသည်ဟု ဆိုကြသည် ။
ယစ်ထုပ် ( ယစ်တုတ် )အရက်သေစာ မပြတ်သောက်သူ ၊ အမြဲမူးယစ်နေလေ့ရှိသူ
သေရည်ယစ်မျိုးကို သောက်လေ့ရှိသဖြင့် လူတစ်ကိုယ်လုံးသည် ယစ်မျိုး အထုပ်ကြီး
သဖွယ် ဖြစ်နေသည်ကို တင်စား၍ ယစ်ထုပ်ဟူ၍ ဆိုကြသည် ။ ( ဥစ္စာထုပ် ၊ ရိက္ခာထုပ် ၊
ရွှေရုပ် စသည် အသုံးရှိ၏ ) တစ်နည်း...သေရည်သောက်တုတ်သည် စသည်တွင်
တုတ်ဟူသော ကြိယာသည် မျိုသုံးစားသောက်သောအနက်ရှိရာ ယစ်မျိုးတုတ်လေ့
ရှိသူ ၊ ယစ်မျိူးတုတ်သူ ၊ ယစ်တုတ်ဟူ၍လည်း အနက်ကောက်ယူကြသည် ။ ယစ်ထုပ်ဟု
 အခေါ်အမှတ်များသည် ။
ရသကချိုင်သည်မရ ရရာယူသည်
( အချို့ ဒဿကချိုင်သည်ဟု မှား၍ သုံးကြသည် ။ ) ဤစကားမှာ မဟာသုတသောမ ဇတ်တော်တွင် လူသားစားကြူးသော ပေါရိသာဒဗြဟ္မဒတ်မင်းသည် လူသားကို
မိမိ၏တပည့် " ရသက " အား ရှာဖွေစေရာ မည်သည့်နည်းနှင့်မျှ လူသားကိုမရသည့်အခါ
တပည့် " ရသက " ကိုပင် သတ်၍ စားလေသည် ။
ဤဇတ်လမ်းကိုစွဲ၍ " မရလျှင် ရသကချိုင်သည် " ဟူ၍ ဆိုကြသည် ။ မရသာသ့်အဆုံးတွင်
ရသမျှအခွင့်အရေးကို ခြစ်ချုပ်ရယူခြင်း ၊ နောက်ဆုံး မပြုသင့် မပြုအပ်သည်ကိုပင်
မရှောင်တော့ဘဲ မိမိအကျိုးကို ပြည့်စေရန် အားထုတ်ဆောင်ရွှက်ခြင်းတို့ကို တင်စား၍
ရသကချိုင်သည်ဟုပင် သုံးနှုန်းကြသည် ။
ရေသီးနားခိုသည်မိန်းမ ( မယား ) လုပ်စာကို ကပ်ရပ်မှီခိုစားသည်
မိန်းမထဘီအောက်နားကို ရေသီးနားဟု ခေါ်ဆိုရာ မိန်းမထမီနားတွင် ကပ်ခိုလေသကဲ့သို့
သဘောကောက်၍ ယောက်ျားတစ်ယောက်က မိန်းမသားလုပ်စာကို ကပ်ရပ်စားသောက်ခြင်းကို ရေသီးနားခိုသည်ဟု ဆိုသည် ။
ရက္ကန်းရှည်သည်
အပြန်ပြန်ခေါက်လည်သွားလာသည်


ရက္ကန်းစင်များတွင် အလျားလိုက် တိုင်ချည်သွယ်တန်းသည်ကို ရက္ကန်းရှည်သည်ဟုဆိုသည် ။ ထိုသို့ရှည်ရာတွင် အဆုံးမရှိသော ချည်ပင်ကို အသွားအပြန်အားဖြင့် သွယ်တန်းရသော သဘောရှိသဖြင့် ထိုနည်းအတိုင်း မပြတ်ကူးချည်သန်းချည် သွားလာလည်ပတ်ခြင်းကို တင်စား၍ ရက္ကန်းဟုပင်
သုံးနှုန်းကြသည် ။
်ရောင်တော်ပြန်နှင့်ရောလွှတ်သည် အရောင်လိုက်၍ မှီတွယ်သည်
သူတစ်ပါးအရှိန်ကို အခွင့်ကောင်းယူ၍ ဟန်ပြဝင့်ဝါသည်
ဘုရားစေတီများ ရောင်ခြည်တော်လွှတ်သည့်အခါတွင် ရောင်ခြည်တော် လွှတ်နေသည့်
အခိုက် လူသူတော်ဆိုသူတို့ကလည်း စေတီတော်ထိပ်ဖျားသို့တက်၍ မိမိတို့ တန်ခိုးရောင်
အဟန်ဖြင့် ကိုယ်ရောင်လွှတ်ပြတတ်သည်ကို ပမာပြု၍ မိမိပင်ကို အစွမ်းအစ အရှိန်အဝါ
မရှိဘဲ သူတစ်ပါး၏ အရှိန်အဝါဖြင့် ဝင့်ဝါခြင်း ၊ အရေခြုံခြင်း ၊ ရှေ့စကား အလိုက်အထိုက်
မျှောလိုက်၍ အလိုက်သင့် ရောနှောပြောဆိုခြင်း စသည်များကို ရောင်တော်ပြန်နှင့်
ရောလွှတ်သည်ဟု ဆိုကြသည် ။